सोयाबीन मधील तन नाशके सोयाबीन पिकामध्ये कोणते तन नाशक कधी आणि कसे वापरावे ?

सोयाबीन मधील तन नाशके

सोयाबीन पिकामध्ये कोणते तन नाशक कधी आणि कसे वापरावे ?

नमस्कार शेतकरी मित्रानो आपले स्वागत आहे कृषियुग ब्लॉग मध्ये. आज आपण बघणार आहोत सोयाबीन पिकाची लागवड करताना बियाणे, पेरणीमधील अंतर, खत-पाणी व कीड-रोग व्यवस्थापन या बाबींव्यतिरिक्त सोयाबीन पिकातील तन नियंत्रण हा देखील महत्वाचा मुद्दा आहे.

चला तर मग आज जाणून घेऊयात सोयाबीन मध्ये कोणते तननाश व कसे वापरावे या बद्दल संपूर्ण माहिती.

सोयाबीन पिकामध्ये दोन पद्धतीने तण नियंत्रण करता येते यामध्ये

1. उगवणीपूर्व सोयाबीन मधील तन नाशके

2. उगवणींनंतर सोयाबीन मधील तन नाशके

1. उगवणीपूर्वचे तणनाशके | Pre Emergence Herbicide for Soybean

उगवणीपूर्वचे तणनाशके ही पेरणीनंतर ४८ तासाच्या आता फवारणी करणे गरजेचे आहे. तणनाशके फवारणी करताना बियाणे हे मातीमध्ये पूर्ण झाकलेले असावे तसेच जमीन ओलसर असावी.

1. पेंडिमेथालिन 38.7% CS

व्यापारी नाव - दोस्त सुपर (यु.पी.एल.), धनुटोप सुपर (धानुका)

प्रमाण - 700 मिली प्रति एकरी

कधी वापरावे - हे तणनाशक पेरणीनंतर 48 तासाच्या आता फवारावे

2. डायक्लोसुलाम 84% WDG

व्यापारी नाव - स्ट्रॉंग आर्म (कोर्टेवा एग्रीसाइंस)

प्रमाण - 12.4 ग्राम प्रति एकरी

कधी वापरावे - हे तणनाशक पेरणीनंतर 48 तासाच्या आता फवारावे

3. पेंडीमेथिलिन 30% + इमाझेथापीर 2% EC

व्यापारी नाव - वेलर 32 (सिजेंटा)

प्रमाण - 1 लिटर प्रति एकर

कधी वापरावे - हे तणनाशक पेरणी नंतर लगेच किंवा 72 तासाच्या आत फवारावे.

4. सुलफेंट्रझोन 28 % + क्लोमेझॉन 30 % WP

व्यापारी नाव - ऑथॉरिटी नेक्स्ट (FMC)

प्रमाण - 500 ग्राम प्रति एकर

कधी वापरावे - हे तणनाशक पेरणीनंतर लगेचच किंवा पेरणीनंतर 48 तासाच्या आत फवारावे.

2. उगवणींनंतर ची तणनाशके | Post Emergence Herbicide for Soybean

उगवणींनंतरचे तणनाशके ही तण 3 ते 4 पानाचे असताना म्हणजेच पेरणी नंतर 15 ते 20 दिवसांनी फवारणी करावे.

1. इमेझाथापर 10 % SL

व्यापारी नाव - परसूट (बी ए एस एफ)
प्रमाण - 400 मिली प्रति एकरी
कधी वापरावे - हे तणनाशक तण 3 ते 4 पानांचे असताना किंवा पीक 20 दिवसांचे असताना.

2. प्रोपॅक्वीझ्याफोप 10% EC

व्यापारी नाव - अजिल (आदामा)
प्रमाण - 300 मिली प्रति एकरी
कधी वापरावे - हे तणनाशक तण 3 ते 4 पानांचे असताना किंवा पीक 20 दिवसांचे असताना.

3. फ्लूझीफोप पी बूटील

व्यापारी नाव - फूजीफ्लेक्स (सिजेंटा)
प्रमाण - 400 मिली प्रति एकरी
कधी वापरावे - हे तणनाशक तण 3 ते 4 पानांचे असताना.

4. इमेजेथापायर 35% + इमाज़मॉक्स 35% डब्ल्यूजी

व्यापारी नाव - ओडिसी (बी ए एस एफ)

प्रमाण - 40 ग्राम प्रति एकरी

कधी वापरावे - हे तणनाशक तण 3 ते 4 पानांचे असताना किंवा पीक 20 दिवसांचे असताना.

5. प्रोपॅक्यूझाफॉप 2.5 % + इमेझाथापर 3.75 % E.C.

व्यापारी नाव - शाकेद (आदामा)
प्रमाण - 800 मिली प्रति एकरी
कधी वापरावे - हे तणनाशक तण 3 ते 4 पानांचे असताना किंवा पीक 20 दिवसांचे असताना.

कोणतेही तणनाशके फवारताना कोणती काळजी घ्यावी?

1. ढगाळ व पावसाळी वातावरण तसेच धुके किंवा पाऊस असताना तणनाशक फवारणी करू नये.

2. वारा नसताना व जमिनीत ओलावा असताना उगवणीपूर्वी तणनाशक फवारणी करावी. तणनाशक फवारणी साठी स्वच्छ पाणी वापरावे.

3. जमिनीवर फवारायचे तणनाशक हे चांगली मशागत केलेल्या व ढेकळेरहित जमिनीवर च तणनाशक फवारणी करावी.

4. कोणतेही तणनाशक हे ढेकळाखाली उगवणाऱ्या तणांपर्यंत पोचू शकत नाही. यामुळे तनाचे पूर्णपणे नियंत्रण होत नाही.

5. उगवणीपूर्व तणनाशक फवारणी पेरणीदिवशी किंवा दुसऱ्या दिवशी पिकाचे बी मातीने व्यवस्थित झाकल्यानंतरच करावी. पीक अंकुरण झाल्यावर फवारणी करू नये. उगवणीपूर्व तणनाशके फवारताना तणांची उगवण झालेली नसावी.

6. फवारणी स्वतःच्या अथवा शेजारच्या शेतात उडणार नाही याची संपूर्ण दक्षता घ्यावी. तणनाशकांचा संपर्क अन्य कीटकनाशके, बुरशीनाशके, बियाणे यांच्याशी येणार नाही याची काळजी घ्यावी.

7. फ्लॅट फॅन किंवा फ्लड जेट नोझल वापरावे. म्हणजे फवारणी सर्वत्र सारख्या प्रमाणात होईल. असे नोझल कमी दाबावर फवारा उडवते. त्यामुळे शेजारच्या पिकावर फवारा जात नाही.

सारांश

सोयाबीन पिकातील तन नियंत्रण करताना उगवणीपूर्व आणि उगवणीनंतर काही निवडक तणनाशके वापरल्यास तणांचे नियंत्रण होऊन उत्पादनामध्ये २० - २५ % पर्यंत वाढ होते. आशा करतो की कृषियुग वरील आमचा आजचा हा लेख तुम्हाला आवडला असेल तर याला तुमच्या इतर शेतकरी ग्रुप मध्ये शेयर नक्की करा.

सोयाबीन मधील तन नाशके सोयाबीन पिकामध्ये कोणते तन नाशक कधी आणि कसे वापरावे ?